Goojendaag beste Muziekante!

De Joeks-Jagers zien op zeuk nao nieje enthousiaste leeje, blaozers en trómmelaers. Ut doel van de Joeks-Jagers is um iddere
Keuneginnedaag einen Taptoe te halde veur ut stadhoés.Veuraaf make weej d’r in illik geval eine gezellige daag van met
optraejes in Groeët Venlo.

Um eine fatsoendelikke Taptoe te prissentere mót natuurlik gerippeteerd waere. Dees rippetities, die altièd starte de woensdaag nao aswoensdaag en deure toèt en met de woensdaag veur 30 april, waere gehalde in de Wylderbeek en staon
ónder de bezielende leiding van Sef Gubbels.
Sef haet de kinnes um minse die nog neet zoeë good meziek maake tot ein hoeëg niveau te bringe. Dit duit hae
trouwes met ut ganse korps. Natuurlik geit dit neet vanzelf en zal dao bes waal ens gezweit en gescholde waere, maar ós ervaring is det dit ut waert is.

Want as op 30 april ut klökske van ut stadhoès 8 x sleit en de Joeks-Jagers de Limburgse Jagers Mars inzette en de merret oploupe kinste ein speld huure valle. De rillinge loupe dich euver de rök asse die 1000e toeschouwers zuus staon.
Nao ein show van mieër as ein oor verlaote weej dan weer de merret en ut applaus van de kièkers zal dich lang beej blieve.
Daonao kin wir oétgekeke waere nao de woensdaag nao aswoensdaag as de rippetities weer beginne.
Dus, hebste zin en tièd um vanaaf 24 fibberwarie 2010 toèt en met 28 april 2010 iddere woendaagaovend (totaal 10 rippetities) um 20.00 oor same met ós ein paar moeije stökskes meziek in te studere um die op 30 april ten gehuure te bringe veur ein groeët publiek, dan meld dich aan beej ós!

Geej kint uch aanmelde beej joeksjagers@planet.nl of belle met os secretariaat.

Netuurlik kint geej auch dit insjrief-formulier downloaden en maile of opsjteure.

Weej zeen ós!

Names ´t besteur van de Joeks-Jagers.

Veurzitter Herm Pollux.